विपद जोखिम न्यूनिकरणका लागि जनचेतना कार्यक्रम सम्पन्न

13045642_1087694607959325_1291351890_nवैशाख ११ गते शनिवार, महालक्ष्मी नगरपालिकाको लुभुमा, २०७२ वैशाख १२ को विनासकारी भूकम्पको सन्दर्भ र उक्त भूकम्पमा परेर दिवंगत हुनुभएकाहरुको सम्झना तथा चीर शान्तीका लागि महालक्ष्मी नगरपालिका र फ्रेन्ड्स सर्भिस काउन्सिल नेपालको संयुक्त आयोजना तथा विभिन्न संघ संस्थाहरुको सहकार्यमा “श्रद्धान्जली तथा स्मृती सभा र विपद जोखिम न्यूनिकरणका लागि जनचेतना कार्यक्रम” सम्पन्न भयोे । पुर्व मन्त्री एंवम माननिय सभासद सिद्धिलाल सिंहको प्रमुख आतिथ्यतामा सम्पन्न भएको उक्त कार्यक्रमको अध्यक्षता महालक्ष्मी नगरपालिकाका प्रमुख एवं कार्यकारी अधिकृत, श्री कृष्ण प्रसाद सापकोटाले गनुभएको थियो । कार्यक्रममा स्वागत मन्तव्य तथा कार्यक्रमको उदेश्यमाथि प्रकाश पार्दै कार्यक्रमका सहसंयोजक एंवम फ्रेन्ड्स सर्भिस काउन्सिल नेपालका अध्यक्ष सूर्य बहादुर थापाले महालक्ष्मी नगरपालिका भित्र भूकम्पको कारण भएको क्षतिको वस्तु स्थितीको चित्रण तथा पुर्ननिर्माणका लागि आव्हान गर्नु र मुख्यत विपद जोखिम न्यूनिकरण सम्बन्धी विभिन्न जनचेतनामूलक कार्यक्रमहरु गर्नुनै यस कार्यक्रमको प्रमुख उदेश्य रहेको बताउनुभयो । यसैगरी भूकम्पले पारेको असर र त्यस पछि भूकम्प प्रभावितहरुका लागि फ्रेन्ड्स सर्भिस काउन्सिल नेपाल र अन्य संघ संस्थाहरुले संचालन गरेका तत्काल राहत तथा पुर्नलाभको कार्यक्रमहरुको बारेमा जानकारी दिनु र भूकम्प प्रभावित जनताहरुको समस्यालाई उजागर गरेर समाधानका लागी संम्बन्धीत निकायको ध्यान आकर्षण गराउनु आफ्नो मुख्य उदेश्य रहेको पनि थापाले बताउनुभयो । महालक्ष्मी नगरपालिका भित्र भूकम्प पश्चात पहिलो पटक आयोजना गरिएको श्रद्धान्जली तथा स्मृती सभा र विपद जोखिम न्यूनिकरणका लागि जनचेतना कार्यक्रममा महालक्ष्मी नगरपालिकाभित्रका टोल सुधार समिति, सहकारी संस्था, महिला समूह, कलेज, विद्यालयहरु, निजी क्षेत्र, विभिन्न सामाजिक संघ संस्था तथा गुठीहरुको समेत सक्रिय सहभागिता रहेको थियो । औपचारिक कार्यक्रम पश्चात सडक नाटक तथा गितहरु मार्फत उपस्थितहरुलाई विपद जोखिम न्यूनिकरण सम्बन्धी सचेत गराईएको थियो ।
कार्यक्रममा भूकम्प प्रभावितहरु मध्ये संकटासन्न अवस्थामा रहेका भूकम्प प्रभावितहरुले आफ्नो दुख, पिडालाई समेत प्रस्तुत गरेका थिए । यसैगरि कार्यक्रमको अवसरमा महालक्ष्मी नगरपालिका भित्रका अतिसंकटासन्न अवस्थामा रहेका ५ जना व्याक्तिहरुलार्ई उनिहरुको आवस्यकता अनुशार खर्च गर्नका लागि DCA/FSCN संस्थाहरुको तर्पmबाट सहयोग स्वरुप जनही रु दश हजारका दरले रकम समेत प्रदान गरिएको थियो ।
ललितपुर जिल्लाका लामाटार, लुभु, टिकाथली, सिद्धपुर र ईमाडोल गा.वि.स.लाई एकिक्रित गरेर महालक्ष्मी नगरपालिका वि. स. २०७१ साल मंसिर १६ गते घोषण भएको हो । २०७२ साल वैशाख १२ गते गएको विनासकारी भूकम्प र त्यस पछि गएका पराकम्पनहरुका कारण देशमा ठूलो मात्रामा जनधनको क्षति हुन पुग्यो । उक्त महाभूकम्पका कारण प्रभावित भएका परिवारहरुलाई तत्काल राहत सहयोग पु¥याउनेगरि ललितपुर र भक्तपुर जिल्लाका विभिन्न स्थानहरुमा फ्रेन्ड्स सर्भिस काउन्सिल नेपाल (FSCN) ले तत्काल राहत तथा पुर्नलाभको कार्यक्रमहरु संचालन गर्दै आईरहेको छ । ललितपुर जिल्लाको महालक्ष्मी नगरपालिका भित्र पनि लामाटारमा ६, लुभुमा ५, सिद्धिपुरमा ११ र इमाडोलमा ६ गरेर जम्मा २८ जनाले ज्यान गुमाउनुपर्यो । यसै गरी नगरपालिका भित्र ८४४ घरहरु आशिंक क्षति तथा ४४८१ पूर्ण रुपमा क्षति हुन पुग्यो ।
उक्त भूकम्प पश्चात फ्रेन्ड्स सर्भिस काउन्सिल नेपाल (FSCN) द्धारा DCA/NCA/WJR र Helpage International को सहयोगमा तत्काल खाद्यन्न तथा जेष्ठ नागरिकहरुको लागि नगद सहयोग प्रदान गरिएको थियो । DCA/NCAको सहयोगमा अहिले पनि भूकम्प पीडितहरुका लागि आकस्मिक मानवीय सहयोग कार्यक्रम अन्र्तगत निरन्तर रुपमा माहलक्ष्मी नगरपालिका भित्र आवास निर्माणका लागि १९२४ घर परिवारलाई प्रति परिवार रु १०,००० दश हजारका दरले वितरण, ५वटा विद्यालयमा शैचालय निर्माण तथा सरसफाइको लागि पानीको व्ययस्था, ४४६ घरपरिवारमा शैचालय निर्माणका लागि सहयोग,स्वच्छता सामग्री वितरण, ३१७ घरपरिवारलाई जाडोको लागि न्यानो कपडा वितरण, २०० घरपरिवारलाई जीविकोपार्जनका लागि सिप तथा रु १३,००० का दरले नगद सहयोग, सरसफाइ तथा स्वच्छता सम्बन्धी जनचेतना, विपद जोखिम न्यूनिकरण, सुरक्षित आवास र बलियो घर निर्माणका लागि सचेतना अभियान, समुदायमा आधारित मनोसामाजिक सहयोग कार्यक्रमहरु संचालन गर्दै आइरहेको छ । स्मरण रहोस फ्रेन्ड्स सर्भिस काउन्सिल नेपाल (FSCN) ले ललितपुर भक्तपुर जिल्लामा २६२६ घरधुरीलाई खाद्य सामाग्री वितरण, ३६९४ घरधुरीलाई आवासका लागि थप रु १०,००० नगद सहयोग, १३ वटा विद्यालय शौचालय निर्माण, १०४० घरधुरीमा शौचालय निर्माण, ७ वटा खानेपानी योजनाको निर्माण, १८७४ घरधुरीमा स्वच्छता सामाग्री वितरण, ४०२ घरधुरीलाई जाडोको लागि न्यानो कपडा वितरण, ७१० घरधुरीमा जस्तापाता वितरण, ८७५ जेष्ठ नागरिकहरुलाई रु ७,५०० नगद सहयोग, ४०० घरधुरीलाई जीविकोपार्जनका लागि रु १३,००० नगद सहयोग लगायत विपद जोखीम न्यूनिकरण सम्बन्धी तालिम, समुदायमा आधारित मनोसमाजिक परामर्श, स्वच्छता प्रवर्धन सम्बन्धी जनचेतना कार्यक्रम गर्दै आईरहेको छ ।

– Published in: Mero Report